Biografia

 

Albatros Rexhaj është autor shqiptar, i lindur në Prizren që aktualisht pothuajse njëkohshëm jeton dhe vepron në dy qytete, në Tiranë dhe në Prishtinë.

Është shkolluar për shkrimtar të dramës teatrore dhe skenarit të filmit, ndërkaq suksesin dhe famën i ka arritur në zhanrin e prozës letrare, gjithnjë duke u përkushtuar në zbërthimin e asaj që mund të cilësohet si “filozofi e përpjekjeve tona të përditshme”.

Bibliografia e tij artistike përfshin këto vepra:

“Bombë në Beograd”, roman,

“Lettera a un amico italian dal Kosovo”, botuar nga Rizzoli, RCS Milano,

“Në kërkim të daljes”, dramë e vënë në skenë në Teatrin Kombëtar të Kosovës dhe Teatrin Metropol të Tiranës,

“Engjëlli i vdekjes”, dramë e vënë në skenë nga Teatri Kombëtar i Kosovës,

“Ditar dashurie i një shkrimtari, përmbledhje shënimesh artistike,

“Edith”, roman,

“Zonja Z”, novelë,

“Rebelimi i Lúlus”, ese artistike e shkruar në formë ditari,

“Kthimi”, novelë.

Përveç shkrimeve, Albatrosi është tejet i përkushtuar pas kërcimeve latine dhe fotografisë artistike, duke qenë gjithaq i apasionuar pas botës së modës.